Michael (2026)

ဇာတ်လမ်းကတော့ ၁၉၆၀ ပြည့်လွန်နှစ်တွေမှာ Jackson 5 အဖွဲ့ဝင်အဖြစ် စတင်အောင်မြင်လာတဲ့ အချိန်ကနေ ၁၉၈၀ ပြည့်လွန်နှစ်နှောင်းပိုင်း Bad World Tour အထိ အဓိကထား ရိုက်ပြထားတာပါ။ မိုက်ကယ်ရဲ့ ငယ်ဘဝ ဖြတ်သန်းမှု၊ ဖခင်ဖြစ်သူရဲ့ ကြမ်းတမ်းတဲ့ အုပ်ချုပ်မှုတွေအောက်ကနေ ကမ္ဘာကျော် ပေါ့ပ်ဘုရင်တစ်ပါး ဖြစ်လာတဲ့အထိ ကြိုးစားခဲ့ရပုံတွေကို တွေ့ရမယ်။ အထူးသဖြင့် ၁၉၈၄ ခုနှစ်မှာ Pepsi ကြော်ငြာရိုက်ရင်း ဆံပင်မီးလောင်ပြီး အပြင်းအထန် ဒဏ်ရာရခဲ့တဲ့ အဖြစ်အပျက်၊ အဲဒီကနေစပြီး အကိုက်အခဲပျောက်ဆေးတွေ အစွဲအလမ်းဖြစ်သွားတာ၊ သူ့ရဲ့ အရေပြားရောဂါ (Vitiligo) ကြောင့် စိတ်ပိုင်းဆိုင်ရာ ခံစားရမှုတွေနဲ့ နှာခေါင်းခွဲစိတ်မှု လုပ်ခဲ့တာတွေကိုပါ ဇာတ်လမ်းထဲမှာ အပီအပြင် ထည့်သွင်းရိုက်ကူးထားပါတယ်..