Kingdom of the Planet of the Apes (2024) mmsub

ဒီဇာတ်ကားကတော့ ဆီဇာ သေဆုံးသွားပြီး နှစ်ပေါင်းများစွာအကြာမှာ ဇာတ်လမ်းကို တည်ထားတာပဲ ဖြစ်ပါတယ်။ ဇာတ်လမ်းအစမှာ နိုအာ၊ ဆူနာနဲ့ အန်နာယာဆိုတဲ့ မျောက်ဝံသူငယ်ချင်းသုံးယောက်က လင်းယုန်အသိုက်က ငှက်ဥလေးတွေကို တစ်ယောက် တစ်ခုနှုန်းနဲ့ ခိုးယူတာနဲ့ စတင်ထားပါတယ်။ သူတို့က လင်းယုန်မျိုးနွယ်စု ဖြစ်ပြီးတော့ အေးအေးဆေးဆေး တည်ရှိနေတဲ့ ရွာလေးတစ်ခုပါ။ ငှက်ဥသွားခိုးပြီးပြန်အလာ သူတို့နောက်ကို လူသား (သူတို့အခေါ် အက်ခိုး) တစ်ယောက်က လိုက်လာတဲ့အတွက် နိုအာရဲ့ ဖခင်က ရွာကအကြီးအကဲတွေနဲ့ တိုင်ပင်ပြီး ခြောက်လှန့်ဖို့အတွက် မျောက်ဝံတစ်ကောင်ကို လွှတ်လိုက်ပါတော့တယ်။ ကံအကြောင်းမလှစွာနဲ့ အဲ့ဒီမျောက်ဝံလည်း သေရတဲ့အပြင် သူတို့ ရွာကိုပါ မျက်နှာဖုံးစွပ်ထားတဲ့ မျောက်ဝံတစ်အုပ်က ဝင်ရောက်ဖျက်စီးသောင်းကျန်းပြီး ရွာကို မီးရှိကာ ရွာသားတွေကို အကျဉ်းသမားအဖြစ် ဖမ်းခေါ်သွားပါတော့တယ်။ နိုအာကို သေပြီအထင်နဲ့ ထားရစ်ခဲ့ပေမယ့် နိုအာက မသေခဲ့တဲ့အတွက် သူ့မိသားစုနဲ့ သူ့ရွာသားတွေကို ဖမ်းခေါ်သွားတဲ့နေရာကို လိုက်လာတဲ့အခါ.. ဟိုတစ်နေ့က သူတို့နောက်ကို ခိုးကြောင်ခိုးဝှက်နဲ့ လိုက်လာတဲ့ လူသားကောင်မလေးက သူ့နောက်ကို ဆက်လိုက်လာတဲ့အခါ.. နိုအာတစ်ယောက် သူ့မိသားစုနဲ့ ရွာသားတွေကို ကယ်တင်နိုင်ပါ့မလား။ သူတို့ရွာကို ဖျက်စီးသွားတဲ့ မျောက်ဝံတွေက ဆီဇာနဲ့ပတ်သက်မှု ရှိနေလား။ လူသားကောင်မလေးကရော သူ့နောက်ကို ဘာကြောင့် တောက်လျှောက်လိုက်နေရတာလဲ။ ဆီဇာချမှတ်ခဲ့တဲ့ ဥပဒေသတွေကို ဘယ်သူတွေက လိုက်နာနိုင်မလဲ.. ဘာတွေဆက်ဖြစ်မလဲဆိုတာ..