Saving Private Ryan (1998) mmsub

ဒီဇာတ်ကားကို ဒုတိယကမ္ဘာစစ်ရဲ့ နောက်ဆုံးအဆုံးသတ်တိုက်ပွဲဖြစ်တဲ့ ၁၉၄၄ (D-Day) နော်မန်ဒီ တိုက်ပွဲကြီးကနေ စတင်ထားပါတယ်။ နော်မန်ဒီ ကမ်းခြေတိုက်ပွဲမှာ ဗိုလ်ကြီးမီလာတို့ တပ်ခွဲဟာ အိုမာဟာ ကမ်းခြေကနေ ဝင်ရောက်ရတာဖြစ်လို့ အထိအခိုက်၊ အကျအဆုံးများတဲ့နေရာဖြစ်ပါတယ်။ D–Day ဆိုတာကြောင့် မဟာမိတ်တပ်တွေဖြစ်တဲ့ အင်္ဂလန် အမေရိကန် ကနေဒါနိုင်ငံတို့က အဓိက တိုက်ခိုက်တာဖြစ်ပြီးတော့ နာဇီ ဂျာမနီ တို့သိမ်းထားတဲ့ ပြင်သစ် ဆိပ်ကမ်းဖြစ်တဲ့ နော်မန်ဒီ ဖက်က ကုန်းကြောင်း ဝင်ပြီးအဖက်ဖက်မှလည်း လေကြောင်း‌၊ ရေကြောင်းနဲ့တိုက်ခိုက်ကြပါတယ်။ ဒီလိုတိုက်ပွဲတွေကြားမှာ အမေရိကန်ပြည်ထောင်စု အိုင်အိုဝါပြည်နယ်သားတွေဖြစ်တဲ့ ရိုင်ယန်ညီအစ်ကို ၄ ယောက်မှာ ၃ ယောက်ဟာ တိုက်ပွဲမှာကျပြီးတော့ အငယ်ဆုံးဖြစ်တဲ့ ဂျိမ်းဖရန်စစ် ရိုင်ယန်တဦးသာ ကျန်ခဲ့ပြီး သူတို့ဟာ မိခင်နှင့်အတူ နေထိုင်ကြသူတွေဖြစ်ပါတယ်။ ဒါကြောင့် စစ်ဘက်ဆိုင်ရာ အရာရှိတွေဟာ တဦးတည်းအသက်ရှင်ကျန်ရစ်နေသေးတဲ့ ဂျိမ်းဖရန်စစ် ရိုင်ယန်ကို ကယ်တင်ဖို့ ဗိုလ်ကြီးမီလာကို တာဝန်ပေးပါတယ်။ ရိုင်ယန်ဟာ အမှတ် (၁၀၁) လေထီးတပ်နဲ့အတူ နော်မန်ဒီစစ်မျက်နှာက ရန်သူ့နယ်မြေထဲကို ရောက်ရှိနေတာ ဖြစ်ပါတယ်။ ဒီလိုနဲ့ ဗိုလ်ကြီးမီလာဟာ ရိုင်ယန်ကို ကယ်တင်ဖို့ စစ်သား ၈ ယောက်နဲ့အတူ စွန့်စားခန်း ဝင်ရပါတော့တယ်..