
” လူတိုင်းသေရမှာပဲ။ ဘယ်လိုသေတယ်က အရေးမကြီးဘူး။ ဘာကြောင့်သေတယ် ဆိုတာကသာ အရေးကြီးတယ်” ဆိုတဲ့ သဘောတရားကို လက်ကိုင်ပြုလို့ ” လွတ်လပ်ရေး” ကို နောက်ဆုံးထွက်သက်အထိ ဟစ်ကြွေးခဲ့သူ။ သူ့အမည်က ဝီလျှံဝေါလက်စ်။ စကော့လူမျိုးတို့၏ ဒဏ္ဍာရီဆန်ဆန်သူရဲကောင်း။ ရှိုင်းယားနယ်သား လယ်သမားတဦး။ အင်္ဂလိပ်ကို ဆန့်ကျင်တိုက်ခိုက်ရင်း သူ့ဖခင်နှင့် အကိုတို့ ၏ သေဆုံးမှုကို ကိုယ်တိုင်ကြုံတွေ့ရသည့်တိုင် ဘဝကို အေးအေးချမ်းချမ်း ဖြတ်သန်းချင်သူ။ မတရားမှုတွေက သူ့ဘဝနဲ့ သူ့ပတ်ဝန်းကျင်ကို ထိပါးလာတဲ့အခါမှာတော့.. သူ့မျိုးနွယ်စုကို ဦးဆောင်ပြီး သူဇာတိမွေးရပ်မြေက အင်္ဂလိပ်မြို့စောင့်တပ်ကို စတင်တိုက်ခိုက်ပြီး အင်္ဂလိပ်နန်းတွင်းအထိပါ ခြောက်ခြားစေခဲ့တဲ့သူ..